20-р зууны 3 том архитектор бол Ле Корбюзье, Людвик Миес ван де Рой, Франк Ллойд Райт нар юм. Эдгээр архитекторууд нь хойч үедээ нэр алдраа үлдээсэн хүмүүс бөгөөд одоо ч гэсэн тэдний тухай бүгд мэддэг билээ. Гэхдээ эдгээр архитекторууд нь зөвхөн өөрийн авъяас чадвар болон хичээл зүтгэлээрээ уран бүтээлээ хийж гүйцэтгээгүй юм. Тэднийг тулж түшин, дэмжиж хамтран ажилладаг нарийн мэргэжилтнүүдийн хүч оролцоогүйгээр тэдний амжилтыг өгүүлэх аргагүй билээ.

Нарийн мэргэжилтний тухайд гэвэл мэдээж инженер хүн орохоос гадна жирийн ажилчин зэрэг онцгой чадвартай хүмүүсийг энд багтаан авч үзнэ. Зөвхөн архитектор хүн л түүхэнд мөнхөрсөн барилга барьдаг гэж ташаа ойлгож болохгүй юм. Ур чадвар болон цаг үеийн шаардлагаар архитектороос өөр мэргэжлийн хүнээс ч гэсэн алдартай бүтээл төрөх явдал байдаг. Ле Корбюзье 20-р зууны орчин үеийн архитектурын хөгжлийн гол шалтгаан бол орчин үеийн барилгын материал болон барилгын хийцийн хөгжил юм. Төмөр, шил, бетон зэрэг материал түүхий эд болон түүнийг барилгад ашиглах хийцийн технологийн хөгжил юм.



Хамгийн шинэлэг тал нь угсармал хийц гэгддэг чулууны даралтанд тэсвэртэй чанарт суурилсан өнөөг хүртэлх баруун европын барилгатай харьцуулахад төмөр нь татах хүчийг тэсвэрлэх чадвартай материалаар төмөр бетон болон төмөр бетон арматуртай хийцийн барилга барих боломжтой болсон. Одоо үед хүн болгоны мэддэг хавтгай дээвэр, хана том хэмжээний шилэн цонх, пилоты буюу барилгын нэг загвар болох 1 давхарт тулгуур баганууд, 2 давхарт өрөөнүүдтэй барилга, дүүжин бүтэцтэй дээвэр зэргийг хүчний талаас нь авч үзвэл татах хүч сайтай төмрийг л ашиглан барих боломжтой загвар юм. Ле Корбюзье нь материал болон хийцээс хамаарсан орон зайн бүтцийн үндсэн онолыг гаргасан.

Энэ бол Домино систем юм. 1914 онд Ле Корбюзье үүнийг нээжээ. Ямар ч онцгой зүйлгүй зураг шиг харагдаж байгаа боловч энэ системийн хамгийн чухал зүйл нь арматуртай бетоныг ашиглаж ханыг хийцээс бүрэн тусгаарлаж бие даах боломжтой болгосонд оршино. Өөрөөр хэлбэл барилгыг авч үзэхдээ хана болон хийцийг тусад нь салгаж ойлгох боломжтой гэсэн үг. Уламжлалт өрнөдийн барилга нь ханыг зузаан болгож ханыг хийцийн үндсэн эдлэл болгож байсан. Домино системийг ашигласнаар илүү зузаан болгох ёстой байсан хана нь хийцээсээ салж тусгаарлагдан чөлөөтэй болж байгаа юм. Хана нь нимгэн, шилэн эсвэл хана гэж байхгүй ч байж болно. Үүнээс үүдэн орчин үеийн барилга нь өнөөг хүртэл байгаагүй илэрхийлэх аргыг олж авч чадсан. Ле Корбюзьегийн амжилт нь үүнээс гадна тоймгүй олон байдаг бөгөөд энэ бүхнийг хийж гүйцэтгэхэд чадварлаг хамтран ажиллагчтай байсан юм. Тэр хүн бол Корбюзьегийн хамаатан Пэрү Жаннүрэ юм.

Үнэндээ бол барилгын ажил болон техник технологид Пэрү Жаннүрэгийн хүчээр хийгдэж байсан зүйл их гэж яригддаг. Корбюзье нь 20-р зууныг төлөөлөх архитектор боловч тэрээр ганцаараа энэ амжилтанд хүрсэн биш хамтран зүтгэгчийнхээ хүчээр алдар нэртэй болжээ. Антонио Гауди Гауел паркад хиймэл хөрсөнд гар урчуудын багаж хэрэгсэл "булаастай" байдаг. Гаудигийн дуудлагаар бүх сайн гар урчууд цугларчээ. Гаудигийн барилга нь ур дүй сайтай урчуудын гараар бүтсэн. Гар урчуудын багажыг "булах" гэдэг нь гар урлаачын "гарын ур дүй"-г үлдээх гэсэн утгатай юм. Мөн Саграда Фамели сүм нь дээр үеийн сүмийн адил хэдэн зуун жилийн турш баригдсаар л байна. Мөн Саграда Фамелийн шинэ хэсгийг барих явцдаа, хуучин хэсгийг дахин засварлах байдлаар баригддаг билээ. Хяналтын чухал чанарыг ч бас хангалттай сайн ухамсарлаж байгаа бололтой.

Гаудийн барилгын онцлог болох чөлөөтэй муруй шугам. Зураглаж болохгүй барилга. Муруй шугамыг маш ихээр хэрэглэсний улмаас Гаудигийн барилгыг зураглахад хэцүү байсан. Тиймээс Гауди өөрөө цуг байж шууд зааварчилгаа өгөн өвөрмөц хэлбэрииг туршиж үзэн бариулж байжээ. Гаудигийн барилгын дизайнд Гаудигийн өөрийнх нь ур чадвар байгаа нь мэдээжийн зүйл боловч түүнийг хэрэгжүүлэх ажилчид байхгүй байсан бол ийм барилга баригдах боломжгүй биз ээ.
Тиймдээ ч уран гартны чухлыг ойлгож байсан учраас гарынх нь ур дүйг Гауел паркад үлдээжээ.